Azərbaycanın ilk uşaq televiziya kanalı olan “ARB Günəş” 2015-ci ilin aprelin 10-dan etibarən peyk yayımına başlayıb. Bir neçə əməkdaşla işə başlayan televiziya qısa zaman çərvivəsində kollektivi ilə yanaşı, efir proqramlarını da genişləndirə bilib. Efir vaxtını bütünlüklə uşaqlara həsr edən telekanalın yayımında şiddət, pis vərdişlər aşılayan cizgi filmi və kadrlara yer verilmir. “ARB Günəş”in efir proqramında müxtəlif cizgi filmləri ilə yanaşı, 15-ə yaxın uşaq verilişinə yer verilib. "ARB Media Qrup"un tərkibinə daxil olan telekanal 19 sentyabr 2016-cı il tarixinədək "Günəş TV" adlandırılıb. Qeyd olunan tarixdən etibarən isə brendini "ARB" brendinə uyğun şəkildə yeniləyərək "ARB Günəş" adı ilə fəaliyyətini davam etdirməklə yanaşı YouTube yayım platforması da yaradılmışdır. Bu platformaya abunə olmağınız məhz "ARB Günəş” kanalına olan heyranlığınızın göstəricisidir!!! Hörmətlə: "WediaCorp Azərbaycan" _ sizlərin dəyərini qazanan və sizlərə dəyər verən №1 şirkət!