Alyaa Gad - Eating with Acne التغذية الصحية مع حب الشباب

الدراسات الحديثة أثبتت وجود علاقة بين الأكل اللي بنأكله وبين ظهور حب الشباب على الجلد الهرمونات وبالذات هرمون الذكورة Testosterone وهرمون الـ Insulin مسئولين رئيسين عن ظهور حب الشباب اكتشفنا إنه في منتجات الألبان لما نشربها كتير أو نأكلها كتير بترفع نسبة الـ Testosterone عندنا في الذكور والإناث فا اللي هو هرمون الذكورة دة اللي بيزود احتمالات حدوث حب الشباب وأيضا الـ Insulin بتزداد نسبته لما بنأكل سكريات وحاجات معينة يعني كمان لازم نعرف إن في بعض الناس عندهم حساسية من بعض الأكلات بتزود ظهور حب الشباب وإن بعض الأدوية تسبب حدوثه أيضا طيب نعمل إيه علشان نغير أكلنا وبالتالي نغير من حالة الجلد ونحسنها ونعالج حب الشباب أهم حاجة لازم نعرفها إن إحنا نمنع الأطعمة اللي فيها High Glycemic Index يعني فيها سكريات كتير زي الحاجات الحلوة الحلويات المشروبات الغازية البيتزا وهكذا كمان لازم تقلل من شرب أو أكل منتجات الألبان يعني لو اكتشفت أنك لما تشرب لبن كتير أو تأكل جبنة بتزيد ظهور حب الشباب عندك يبقى تمنع منتجات الألبان مطلوب تزود كميات فيتامين A وفيتامين C في أكلك دي بتيجي من الخضراوات والفواكه اللي ألوانها زاهية وخضراء دي ها تلاقي فيها فيتامين A و C كتير وفيتامين C بالذات في مثلا الفراولة والليمون وكدة مطلوب كمان تأخذ حاجة فيها فيتامين B6 زي البقول والأفوكادو وكمان تأكل زنك كتير الزنك هتلاقيه في منتجات البحر وفي البقول والحبوب أوميجا 3 هتلاقيه في الأسماك مهم جدا هتلاقيه في الأسماك وفي المكسرات وفي الحبوب دي زيوت مفيدة جدا لضبط الهرمونات عندك لو أكلت قطعة زنجبيل أو جنزبيل في اليوم قد فص الثوم كدة هتلاقي تأثير ممتاز على الجلد والجهاز المناعي عموما السؤال هو هل الشكولاتة بقى بتزود حب الشباب ولا إيه الموضوع؟ هي الحقيقة الشكولاتة أو الكاكاو مالهوش علاقة لكن اللبن والسكر اللي فيها هو اللي بيعمل المشكلة لأنه منتجات ألبان وسكريات فا لو الشكولاتة بتزود حب الشباب مضطر تمنع أكل الشكولاتة ما تنساش تشرب مياه كتير 8-10 كوبيات في اليوم علشان تغسل الجسم من السموم ومطلوب تزور دكتور جلدية لو المشكلة يعني عويصة ومحتاجة علاج طبي وتذكر إنه الصبر مطلوب جدا لحل المشكلة لكن بعد يعني مثلا شهور أو يمكن أحيانا تحتاج سنين لكن في الآخر بالصبر والانتظام على العلاج هتلاقي حل كويس والجلد جميل بالتوفيق Subscribe to official Alyaa Gad channel : http://bit.ly/AlyaaGad Follow Alyaa Gad : http://www.afham.tv https://www.facebook.com/dr.AlyaaGad https://twitter.com/AlyaaGad